Dandý

Akurey_crop

Dandý tók þátt í Járnkarlinum (Ironman) fimm mánuðum eftir að hún fékk stóma.

Dandý hafði glímt við sáraristilbólgur í 19 ár áður en hún fékk stóma árið 2014. Á veikindatímabilinu lágu einkenni hennar á tímum niðri en þess á milli var heilsa hennar oft mjög slæm með tilfellum þar sem hún féll t.a.m. í yfirlið vegna mikils blóðmississ og var lögð inn á spítala vegna heilsubrests.

Þrátt fyrir takmarkaða heilsu tókst Dandý að viðhalda sínum lífsstíl sem einkenndist m.a. af mikilli hreyfingu. Þannig tók hún m.a. þátt í og lauk við Mývatnsmaraþon og Landvætti. Síðustu þrjú árin fór heilsa hennar þó versnandi og versnandi, þar sem hún var alltaf með bólgur og sár og náði aldrei 2 góðum vikum samfleytt.

Dandy segir að líf sitt hafi breyst mikið þegar hún fékk stóma, þar sem hún er nú orðinn þátttakandi í lífinu aftur. Hún segir það mikinn mun að þurfa ekki að skipuleggja daginn eftir óvissu meltingarsjúkdómsins, að geta farið að heiman án þess að hafa áhyggjur af því hvar næsta klósett verður og að eiga ekki lengur hættu á að þurfa að skipta um föt allt í einu. Loks sé það mikil frelsun að vera ekki lengur verkjuð alla daga.

Dandý tók þátt í Járnkarlinum (Ironman) fimm mánuðum eftir aðgerð. Þar synti hún 3,8 km, hjólaði 180,2 km og hljóp 42,2. Dandy var nýbúin að jafna sig eftir aðgerðina og aðlagast nýju lífi með stóma en það hafði lítil áhrif á þátttöku hennar í þessari krefjandi keppni, sem margir segja eina erfiðustu þríþraut heims. Nú leiðir Dandý hugann að því að ganga á Hvannadalshnjúk og taka síðan þátt í Laugavegshlaupinu í sumar.

 

Fjöldi einstaklinga sem lifa innihaldsríku lífi með stóma er langur og hvetjandi. Hér má heyra fleiri sögur:

  • EvaFer í ræktina 6-12 sinnum í viku
  • Inger - Sinnir húsmóðrarhlutverkinu af alúð
  • Jón - Gekk á Hvannadalshnúk og varð þar með fyrsti J-poka þeginn til að gera það
  • Júlía - Ferðast um heiminn með hljómsveit sinni
  • Sigurður Jón – Stundar göngur og sund reglulega
  • Sonja - Er ólétt að sínu fyrsta barni
  • Þorleifur - Hóf að stunda fimleika eftir að hann fékk stóma

 

Trackbacks